Azərbaycanda bu şəxslər 70 yaşına çatmadan öləcək - ÜST

Azərbaycanda bu şəxslər 70 yaşına çatmadan öləcək - ÜST

"Azərbaycanda 1,3 milyon insan tütündən istifadə edir. Çox təəssüf ki, bu insanların yarısı 70 yaşına çatmadan dünyasını dəyişəcəklər".

Bu sözləri jurnalistlərə açıqlamasında Ümumdünya Səhiyyə Təşkilatının (ÜST) Azərbaycan üzrə ofisinin rəhbəri Fatoş Hande Harmancı deyib.

O bildirib ki, dünyada və Azərbaycanda tütündən istifadə böyük problemdir. Ona görə də, tütündən istifadənin qarşısını almaq üçün ciddi tədbirlər görmək vacibdir. ÜST-ün rəsmisi deyib ki, Azərbaycanda siqaretlərin qiyməti çox ucuzdur. Qiymətləri artırmaqla gənclərin siqaretə başlamasını qismən azaltmaq olar. Eyni zamanda tütünlə bağlı reklamları azaltmaq, marketlərdə siqareti qapalı şəkildə satmaq yaxud qutuların yenilənməsini təmin etmək olar.

ÜST-ün rəsmisi vurğulayıb ki, tütündən istifadə ilə bağlı mübarizə tədbirləri həyata keçirilməsə, siqaret çəkənlərin sayı durmadan artacaq. /Metbuat.az

OXŞAR XƏBƏRLƏR

XƏBƏRLƏR