Bu, on minlərlə şəxsin işini itirməsi deməkdir: Bəs nə etməli? (EKSPERT)

Bu, on minlərlə şəxsin işini itirməsi deməkdir: Bəs nə etməli? (EKSPERT)

"Yaranmış vəziyyətdən daha çox qazanc əldə edən supermarketlər və apteklər korporativ sosial məsuliyyət çərçivəsində aztəminatlılar üçün xeyriyyə işləri görməlidir”.

Ekonews xəbər verir ki, bu təkliflə iqtisadçı ekspert Qubad İbadoğlu çıxış edib. O bildirib ki, hökümət koronavirus pandemiyasından ziyana düşən kiçik biznesə maliyyə, işini itirən vətəndaşlarla bağlı sosial dəstək proqramlarına start verməlidir:

"Başqa ölkələrdə koronavirus pandemiyasından zərər çəkən kiçik biznesə dövlətin maliyyə dəstəyi və işini bu səbəbdən itirənlərə də sosial qayğı proqramları təklif olunur. Eyni zamanda xüsusi rejim şəraitində yaranmış vəziyyətdən daha çox qazanc əldə edən supermarketlər və apteklər də korporativ sosial məsuliyyət çərçivəsinə xeyriyyə proqramları keçirməlidir. Təsəvvür edin, toy məclislərinin dayanması şadlıq evində çalışanların, o sıradan aşpazlardan tutmuş ofisiantlaradək hər gün evinə gündəlik qazanc aparan on minlərlə şəxsin işini itirməsi deməkdir. Toylar və restoranlar olmayanda taksi xidməti göstərən minlərlə sürücü müştərisiz qalır. Bu zəncirvari proses turizm, hotelçilik, xidmət, nəqliyyat, logistika və digər sahələrdə işçilərin ödənişsiz məzuniyyətə göndərilməsinə gətirib çıxaracaq”.

Qubad İbadoğlu vurğulayıb ki, hökümət koronavirus pandemiyasından ziyana düşən kiçik biznesə maliyyə, işini itirən vətəndaşlarla bağlı dəstək proqramlarını tez bir zamanda elan etməlidir:

"Əks təqdirdə fəaliyyətini dayandıracaq müəssisələrə görə büdcə və Sosial Müdafiə Fondu da itirəcək, işsizlik və sosial gərginlik artacaq. Eyni zamanda xüsusi rejim şəraitində yaranmış vəziyyətdən daha çox qazanc əldə edən supermarket və apteklər də korporativ sosial məsuliyyət çərçivəsində aztəminatlılar üçün xeyriyyə işləri görməlidir”.

OXŞAR XƏBƏRLƏR

XƏBƏRLƏR