Neft-qaz sektoruna 4 milyard manatadək vəsait yönəldilib

Neft-qaz sektoruna 4 milyard manatadək vəsait yönəldilib

Yanvar-sentyabr aylarında ölkənin neft-qaz sektoruna 3 milyard 799,4 milyon manat vəsait yönəldilib.

9 ayda neft-qaz sektorunda 22 milyard 959,7 milyon manatlıq məhsul istehsal olunub. Sənayenin neft-qaz sektorunda məhsul istehsalı əvvəlki ilin eyni ayları səviyyəsində olub. Neft-qaz sektorunda istehsal olunmuş əlavə dəyər isə 1,1 faiz çoxalıb. Sənaye məhsulunun 69,9 faizi mədənçıxarma sektorunda istehsal olunub.

Sentyabrda sənaye məhsullarının istehsalçı qiymətləri əvvəlki ayla müqayisədə 4,3 faiz, o cümlədən mədənçıxarma sənayesi üzrə 5,5 faiz bahalaşıb.

Ötən ayın əvvəlinə iqtisadiyyatın neft sektorunda 34,7 min nəfər çalışıb. Yanvar-avqust aylarında neft sektorunda nominal əməkhaqqı isə 3 min 73,7 manat təşkil edib. /Azərtac

OXŞAR XƏBƏRLƏR

XƏBƏRLƏR